काठमाडौं । काठमाडौं महानगरपालिका वडा नं. ६ बौद्धले आयोजना गरेको ‘प्रथम वडा अध्यक्ष’ सेभेन ए साइड फुटसल प्रतियोगिता २०७९ को उपाधि सरस्वतीनगर स्पोर्टस् क्लब ‘ए’ ले हात पारेको छ। सोमबार सम्पन्न भएको फाईनल खेलमा सरस्वतीनगर स्पोर्टस् क्लब ‘ए’ ले ४–० गोल अन्तरले श्री टुसाल युवा क्लबलाई पराजित गरेको हो ।
जितसँगै सरस्वतीनगर स्पोर्टस् क्लब ‘ए’ ले नगद रु ५० हजार र ट्रफी हात पारेको छ भनें उपविजेता भएको श्री टुसाल युवा क्लबले नगद रु २५ हजार र ट्रफी हात पार्यो । यसैगरी सेमिफाइनलमा पुगेका सिमलटार युवा क्लव र पाटिटार अरुणिमा युवा समुहले नगद रु १०–१० हजार हात पारेका छन ।
प्रतियोगितामा १४ टीम सहभागी भएका थिए।
प्रतियोगिताको समापन गर्दै ६ नं. वडा अध्यक्ष दिपेन्द्र लामाले खेलको माध्यमबाट वडा भरीका युवाको भाइचाराको सम्बन्ध स्थापित गराउन र वडा बासीहरुमा राम्रो सम्बन्ध स्थापित गराउन खेलको आयोजना गरिएको बताए ।
छोटो समयको मिहिनेतमा सरस्वतीनगर स्पोर्ट्स क्लवले अध्यक्ष कपको उपाधी हासिल गर्न सफल भएकोमा क्लवलाई सहयोग पुर्याउने सरस्वतीनगर सुधार संघ , अनुसासीत रुपमा खेल प्रर्दशन गर्ने क्लवका खेलाडीहरुलाई टीमका कोच बिनोद पुडासैनीले धन्यवाद व्यक्त गरेका थिए।