सिन्धुपाल्चोक । नेकपा एमाले सिन्धुपाल्चोकले संगठित सदस्यता टुङ्गयाएको छ । जिल्लामा एमालेमा कुल १५ हजार १ सय ३० संगठित सदस्य रहेको सिन्धुपाल्चोक एमालेले जनाएको छ । जसमा क्षेत्र नं. १ मा ८ हजार १९ र क्षेत्र नं. २ मा ७ हजार १ सय ११ संगठित सदस्य रहेका छन् । एमाले महाधिवेशनमा प्रतिनिधि छनौटका लागि क्षेत्र नं.१ बाट ८ पुरुष ४ महिला र क्षेत्र नं.२ बाट ८ पुरुष ३ महिला सहभागि हुन पाउनेछन् । सहमतिको आधारमा क्षेत्रीय प्रतिनिधि टुंग्याइने नेकपा एमाले सिन्धुपाल्चोकले जनाएको छ । प्रतिनिधि आकांक्षी धेरै भएमा निर्वाचन मार्फत आजै महाधिवेशन प्रतिनिधि छनौट गरिने एक जिल्ला नेताले बताए ।