नेपाल राष्ट्र बैंकले कर्मचारीलाई नियमविपरीत १५ किसिमको भत्ता उपलब्ध गराएको पाइएको छ ।सरकारले मितव्ययितासम्बन्धी निर्देशिका जारी गर्दै तीन किसिमका भत्ताबाहेकका सबै भत्ता खारेज गरे पनि राष्ट्र बैंकले भने ठूलो रकम भत्तामा खर्च गरेको पाइएको हो ।

बैंकका कर्मचारीलाई आर्थिक वर्ष २०७६(७७ मा वार्षिकोत्सव भत्ता, क्लोजिङ्ग भत्ता, इन्टरनेट भत्ताका नाममा रकम उपलब्ध गराएको छ । त्यस्तै केन्द्रीय बैंक भत्ता, आउटस्टेशन भत्ता, खाजा भत्तालगायत १५ किसिमका भत्ता उपलब्ध गराइएको पाइएको हो ।

राष्ट्र बैंकले कर्मचारी उपलब्ध गराउने तलबभन्दा भत्तामा दोब्बर रकम खर्च गरेको छ । केन्द्रीय बैंकले १ अर्ब २४ करोड ४५ लाख रुपैयाँ रकम सकेको छ ।

बैंकमा आर्थिक वर्ष २०७६(७७ सम्ममा १ हजार ४६ जना कर्मचारी कार्यरत छन् । यो भत्ता कार्यरत कर्मचारीका लागि उपलब्ध गराइएको हो । यसरी हिसाब गर्दा एक जना कर्मचारीले औषत वार्षिक १२ लाख भत्ता पाउने गरेको हिसाब बाट देखिन्छ।