काठमाडौं। लोकतान्त्रिक समाजवादी पार्टी(लोसपा) मधेश प्रदेशले स्थानीय तह निर्बाचन असोजपछि गर्न सरकारसंग आग्रह गरेको छ।मधेस प्रदेशका स्थानीय तहलाई पाँच वर्षे कार्यकाल पूरा गर्न दिन आग्रह गर्दै सो पार्टीका अध्यक्ष जितेन्द्र सोनलले विज्ञप्ति जारी गर्दै उक्त
स्थानीय तहका पदाधिकारीको विनाकारण एक दिन पनि अधिकारबाट वञ्चित गर्नु संविधानको मर्म र भावना विपरीत हुने उनले उल्लेख गरेका छन्।

बिज्ञप्तिमा सरकारले वैशाख ३० गते तोकेको स्थानीय तहको निर्वाचन मधेश प्रदेशमा असोजपछि गर्न माग समेत गरिएको छ। मधेश प्रदेशमा२०७४ असोज स्थानीय तहको निर्वाचन भएकाले सोही मितिलाई दृष्टिगत गरी नयाँ निर्वाचन मिति तोक्न माग गरेका हुन ।

विज्ञप्तिमा भनिएको छ, ‘निर्वाचित पदाधिकारीको पाँच वर्षको पदावधी संविधान को धारा २१५ – ६,२१६-६ र २२० -५ अनुसार हुने भएकोमा कुनै निर्वाचित पदाधिकारीको विनाकारण एकदिन पनि अधिकारबाट वञ्चित गर्न संविधानको मर्म र भावना विपरीत हुने हुँदा यस सन्दर्भमा नेपाल सरकार, निर्वाचन आयोग, सम्बन्धित पक्ष एंव अन्य सरोकारवाला समेतको ध्यान आकृष्ट गर्न चाहन्छौं।’