काठमाडौं । नेपाली काँग्रेस बागमती प्रदेश संसदीय दलका नेता समेत रहेका मकवानपुरका सभापति इन्द्रबहादुर बानियाँ सर्वाधित मत ल्याएर पार्टीको १४औं महाधिवेशन प्रतिनिधि निर्वाचित भएका छन् ।
उनी मकवानपुरको प्रतिनिधिसभा निर्वाचन क्षेत्र नं. १ बाट महाधिवेशन प्रतिनिधिमा सबैभन्दा धेरै मत ल्याएर विजयी भएका हुन् । योसँगै बानियाँ महाधिवेशनमा केन्द्रीय समितिमा उम्मेद्वार बन्ने बाटो खुलेको छ ।
सोमबार भएको मतदानको आज बिहान आएको मत परिणाम अनुसार नेता बानियाँ मकवानपुरको प्रतिनिधिसभा निर्वाचन क्षेत्र क्षेत्र नम्बर १ बाट महाधिवेशन प्रतिनिधि प्रत्यक्ष खुलातर्फ खसेको कुल ७४८ मतमध्ये ६७६ मत प्राप्त गरेका छन् ।
यसैगरी प्रत्यक्ष खुल्लातर्फबाटै आनन्दराम पराजुली (६११), अमृतकुमार लामा (५७७), विष्णु कुमार लामिछाने (४९३), दिनेश उपाध्याय (४८६), रघुरमण न्यौपाने (४८४), प्रभात कुमार दाहाल (४५५), माइक रामचन्द्र अर्याल (४५५), राम बाबु बानियाँ (४४१) र ताराचन्द्र बजगाईँ (४०५) निर्वाचित भएका छन् ।
यसैगरी खुल्ला महिला तर्फ उर्मिला पुलामी (५९७), प्रवित्रा बिक (५८३), अञ्जना उपाध्याय (४८७) र मिरा बन्जारा (४७२) निर्वाचित भएका छन् ।