काठमाडौं । नेकपा (एकीकृत समाजवादी)को एउटै जिल्ला कमिटीमा १० जनासम्म उपसचिव राखिएको पाइएको छ ।
एमालेबाट फुटेर माधवकुमार नेपालको अध्यक्षतामा बनेको नेकपा (एस)ले रामेछापमा मन्थली नगरपालिका प्रमुख रमेश बस्नेतको नेतृत्वमा १३१ सदस्यीय जिल्ला समिति बनाइएको छ । सदरमुकाम मन्थलीमा हालै सम्पन्न भेलाले १४ सदस्यीय सचिवालय पनि गठन गरेको छ ।
जसमा १० जना उपसचिव राखिएका छन् । ३० जनाको सचिवालय बनाइएको छ । जिल्लामा एमालेका मुख्य नेताहरुले एकीकृत समाजवादी नरोजेपछि बस्नेतको नेतृत्वमा नयाँ अनुहारलाई राखिएको छ । अध्यक्ष बस्नेत शाहीकालमा जिल्ला सभापति बनेका नेता हुन् ।
शाहीकालमा श्रममन्त्री बनेका जिल्लाका कमल चौलागाईसँगै एमालेमा प्रवेश गरेर बस्नेत २०७४ स्थानीय चुनावमा एमालेबाट नगर प्रमुखमा निर्वाचित भएका हुन् ।
स्थानीय जनप्रतिनिधिहरुमध्ये झण्डै प्रतिशत जतिमात्र एकीकृत समाजवादीमा लागेका छन् । जिल्लामा एमालेका पुराना नेता देवशंकर पौडेलले जिल्ला समितिलाई बल दिइरहेका छन् ।
पदाधिकारीहरुमा रमेश बस्नेत अध्यक्ष, उपाध्यक्षद्धय धनलाल योञ्जन र राम बहादुर बुढाथोकी, सचिवमा लालसिंह घिसिङ, उपसचिाहरुमा किरण मोक्तान, गणेशबाबु खड्का, तिर्थलाल श्रेष्ठ, तिलक कार्की, दिपक बुढाथोकी, विकास कार्की, सञ्जिता खड्का, सरिता खाती, विनोद श्रेष्ठ र संगम खड्का रहेका छन् ।
पद पुर्याउने क्रममा धेरै जनालाई उपसचिव बनाइएको समितिका एक सदस्यले बताए ।