कात्तिक ३०,काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ सहभागी भएको कार्यक्रमस्थल नजिकै आज बम बिस्फोट भएको छ भोजपुर जिल्लाकाे तिवारी भन्ज्याङमा प्रचण्ड सहभागी चुनावी कार्यक्रमस्थल नजिकै एक जना व्यक्तिले बोकेको बम बिस्फोट भएको पाईएकाे छ । कुन बम हो र कस्ले बिस्फोट गराएको हो भन्नेबारे एकिन जानकारी आउन बाँकी छ ।

बम विस्फोटबाट मानवीय क्षति भने भएको छैन । प्रहरीले बम बिस्फोटमा संलग्न रहेको आशंकामा एक जनालाई नियन्त्रणमा लिएर अनुसन्धान थालिसकेको छ । प्रचण्ड आज प्रदेश १ का विभिन्न स्थानमा आयोजित कार्यक्रमहरुमा सहभागी हुने क्रममा भोजपुर पुगेका थिए ।