काठमाडौँ — हास्यव्यंग्य सम्बन्धी टेलिभिजन शो ‘मुन्द्रेको कमेडी क्लब’ बन्द हुने भएको छ । शो का प्रस्तोता एवं हास्यकलाकार जीतु नेपाल ‘मुन्द्रे’ले १ सय ३२ भाग प्रशारणसँगै कार्यक्रम बन्द हुने घोषणा गरेका छन् । शो लाई निर्माण गरिरहेको कम्पनी ‘कि एडभर्टाइजिङ’ले फूलन्देकी आमा (उमेश राई) लाई प्रस्तोता बनाई अर्को टेलिभिजन शो घोषणा गरेपछि आफूले ‘मुन्द्रेको कमेडी क्लब’लाई बन्द गर्ने निर्णय लिएको मुन्द्रेले बताएका छन।

अचानक फूलन्देकी आमालाई लिएर अर्को टेलिभिजन शो गर्ने मुन्द्रेले थाहा पाएपछि आफुलाई धोका भएको भन्दै क्लब बन्द गर्ने निर्णय लिएको मुन्द्रेले बताएका छन। आफ्नो टिममै खटपट देखिएपछि मैले ब्रेक लिने सोचें मुन्द्रेले पत्रकारलाई बताए ।

शुरुमा दीपाश्रीको अध्यक्षतामा चल्दै आएको मुन्द्रेको कमेडी क्लब दीपाले छोडे पछि अध्यक्षको रुपमा अभिनेत्री करिश्मा मानन्धर रहनुभएको थियो।