ढल्यो प्रचण्ड सरकार, पाएनन् विश्वासको मत
काठमाडौ । नेपाली काङ्ग्रेस र नेकपा एमालेबीच सहमती भएपछि बिश्वासको मत नपाउने पक्का भएपनि संबैधानिक अधिकार प्रयोग गर्ने भन्दै बिश्वासको मत मागेका प्रधानमन्त्री पुष्पकमल दाहाल प्रचण्ड पदमुक्त भएका छन् ।
प्रतिनिधि सभाले विश्वासको मत लिने प्रस्ताव बहुमतले अस्वीकृत गरेसँगै प्रधानमन्त्री प्रचण्ड पदमुक्त भएका हुन् । एमालेले समर्थन फिर्ता लिएपछि प्रधानमन्त्री प्रचण्डले संविधानको धारा १०० (२) अनुसार विश्वासको मत मागेका थिए ।
२७५ सदस्यीय प्रतिनिधि सभामा बहुमतका लागि १३८ मत चाहिन्छ । तर प्रधानमन्त्री प्रचण्डको पक्षमा ६३ मत मात्र पर्यो । उनको विपक्षमा १९४ मत परेको छ । र मत दिन्न भन्नेमा १ मत परेको छ ।
वि.सं.२०८१ असार २९ शुक्रवार १७:५५
