सिन्धुपाल्चोक ईन्द्रावती गाँउपालिकामा पालिका स्तरीय विपद व्यवस्थापन समितिको वैठक सम्पन्न भएको छ । आज गाँउपालिकाका अध्यक्ष तथा ईन्द्रावती गाँउपालिका स्तरीय विपद व्यवस्थापन समितिको संयोजक श्री झम्कनाथ नेपालको संयोजकत्वमा बैठक सम्पन्न भएको हो ।
बैठकमा मनसूनजन्य विपदको पूर्वतयारी सम्बन्धमा छलफल भएको थियो । बैठकलाई सम्बोधन गर्दै ईन्द्रावती गाँउपालिका अध्यक्ष झम्कनाथ नेपालले ससस्त्र प्रहरी र नेपाल आर्मिलाई तयारी अवस्थामा रहि विपदको समयमा सहयोग गर्नको लागि आवश्यक श्रोत तथा साधनको लागि सहयोग गर्ने बताउनुभएको छ । अबको समयमा मनसुनजन्य विपदहरु आउने भएकाले पालिका तथा वडागत विपद व्यावस्थापन समितिलाई सर्तक र तयारी अवस्थामा रहन उहाँले आग्रह गर्नुभएको छ ।

बैठकमा ईन्द्रावती गाँउपालिमकामको मनसूनजन्य विपदको प्रतिकार्य योजना सम्बन्धमा पनि छलफल गरीएको थियो । कार्यदलको प्रतिवेदन स्वीकृत सम्बन्धमा पनि बैठकमा छलफल भएको हो । वाढी पहिरो तथा आगलागी वाट भएको क्षतिको रोकथाम तथा राहत सम्बन्धमा र लाभग्राही कायम सम्बन्धमा छलफल गरीएको हो ।
कार्यक्रममा उपाध्यक्ष सोभना तामाङ, प्रमुख प्रसासकीय अधिकृत पूर्ण प्रसाद दुलाल, पुर्वाधार विकास समिति संयोजक शशिनाथ आचार्य, आर्थिक विकास समिति संयोजक तिलक बहादुर रोक्का, वन वातावरण तथा विपद व्यवस्थापन समिति संयोजक रामहरी दनुवार, पर्यटन विकास समिति संयोजक डिल बहादुर श्रेष्ठ, सुशासन समिति संयोजक मिठु नेपाली, वडा नम्बर १० का वडा अध्यक्ष रामचन्द्र घिमिरे, इन्द्रध्वज गण मेलम्चीका प्रमुख सेनानी मधु कुमार अधिकारी, सशस्त्र प्रहरी बल मेलमचीका प्रमुख बिर भद्र नाथ, ईलाका प्रहरी कार्यालय नवलपुरका प्रमुख जय नेपाल थापा, क्रियाशिल संघसंस्थाका प्रतिनिधीहरु लगाएत राजनितिक दल तथा सरोकारवालाहरुको सहभागितामाकार्यक्रम सम्पन्न भएको हो ।