काठमाडौं । संयुक्त विद्यार्थी संगठनद्वारा पेट्रोलियम पदार्थमा भएको मूल्यवृद्धिको विरुद्धमा आज पनि विरोध प्रदर्शन गरेको छ ।

विद्यार्थीहरूले हात–हातमा मूल्य वृद्धिविरुद्ध प्लेकार्ड र सरकारविरोधी नारा लगाउँदै टेकुस्थित आयल निगम घेराउ गरेका छन् ।संयुक्त विद्यार्थी संगठनले पेट्रोलियम तथा खाद्य पदार्थमा भएको मूल्यवृद्धिको विरुद्धमा निरन्तर विरोध गरिरहेको छ ।उनीहरूले पेट्रोलियम पदार्थको मूल्य तत्काल घटाउन माग गरेका छन् ।

विद्यार्थी संगठनले इन्धनको मूल्यवृद्धिको विरोधमा केही दिनयता ठाउँठाउँमा प्रदर्शन गरिरहेका छन् । निगमले गत ३१ वैशाखमा पेट्रोलियम पदार्थमा प्रति लिटर १० रुपैयाँ तथा पुनः जेठ ८ गते पेट्रोलियम पदार्थमा प्रतिलिटर १० रुपैयाँ र एलपी ग्यासमा प्रति सिलिन्डरमा २०० रुपैयाँ वृद्धि गरेको थियो ।