काठमाडौं।अमेरिकी सहायता परियोजना (एमसीसी)सम्झौताको बिषयमा मतान्तर बढी रहेका बेला सत्ता गठबन्धनमा सामेल एउटा दल नेकपा (एकीकृत समाजवादी)को स्थायी कमिटी बैठक बस्ने भएको छ ।

बिहान ११ बजेबाट सुरु हुने बैठकले एमसीसीबारे निर्णय गर्ने जनाइएको छ । नेकपा एकीकृत समाजवादीले हालसम्म एमसीसी पास गर्न नहुने पक्षमा जोड दिदै आएको छ । तर सत्ता गठबन्धनको नेतृत्व गरिरहेको काँग्रेसले भने जसरी पनि एमसीसी पास गर्ने पर्ने अडान लिदै आएको छ । जसका कारण सत्ता गठबन्धन नै संकटमा परेको छ ।

नेकपा एकीकृत समाजवादी प्रवक्ता जगन्नाथ खतिवडाका अनुसार एमसिसी अध्ययन कार्यदलले केन्द्रीय सचिवालयमा बुझाएको प्रतिवेदनमाथि छलफल गरेर निष्कर्ष निकालिने भएको हो ।