सम्झनाको तरेलीमा फुलेको छ एउटा फूल
आकाश धर्ती जोड्ने बनोस् अलौकिक एउटा पुल

आकाशमा गड्याङ्गुडुङ बनचरीलाई पीर भयो
पुग्नु थियो मायाको गाउँ बिचमा तारे भीर भयो
कोपिलालाई फुल्न देऊ नगर न टिप्ने भुल
आकाश धर्ती जोड्ने बनोस् अलौकिक एउटा पुल

घामपानी धर्ती आकाश चन्द्र सूर्य बाँचिरहून्
फूलको थुँगा फूलकै बोटमा एकतारले हाँसिरहून्
दुईहात जोडी दर्शन गरेँ देउतालाई चढाएँ तूल
आकाश धर्ती जोड्ने बनोस् अलौकिक एउटा पुल

सम्झनाको तरेलीमा फुलेको छ एउटा फूल
आकाश धर्ती जोड्ने बनोस् अलौकिक एउटा पुल

*ओमकुमारी बन्जारा रानाभाट