१६मङ्सिर काठमाडौं, नेकपा (एमाले)का वरिष्ठ उपाध्यक्ष ईश्वर पोखरेलले स्थानीय तहमा भएका कामहरुको लेखाजोखा हुने बेला भएको बताउनुभएको छ ।

बुढानिलकण्ठ नगरपालिकाको आठौं स्थापना दिवसका अवसरमा आज आयोजित कार्यक्रममा उहाँले स्थानीय तहले काम गरे÷नगरेको मूल्यांकन गर्ने जिम्मा स्थानीय जनताको भएको बताउनुभयो ।उहाँले भन्नुभयो, “राजनीतिक स्थायित्व बिना दीर्घकालीन समाज निर्माणको परिकल्पना गर्न सकिँदैन, त्यसैले राजनीतिक स्थायित्वले मात्र राष्ट्रिय स्वाभिमान र राष्ट्रियताको रक्षा गर्न सक्छ ।”

सो अवसरमा नगरपालिकाका नगरप्रमुख उद्धवप्रसाद खरेलले बुढानिलकण्ड नगरपालिकाको विकासका लागि रणनीतिक योजना बनाइएको जानकारी दिनुभयो ।उहाँले सो नगरपालिका बनेको लामो अवधि नभएकाले सहरी विकासको योजना कार्यान्वयन कठिनपूर्ण भएको स्पष्ट पार्नुभयो र भन्नुभयाे म सदैब नगरवासिकै सेवामा तत्लीन छु तर पनि हुनु पर्ने जति विकासका कामहरु भइनसकेको साथै नगरपालिकाले पञ्चवर्षीय योजना बनाएर त्यसलाई कार्यान्वयनको चरणमा ल्याएको बताउनुभयो ।

स्थापना दिवसका अवसरमा नगरपालिकाले आठ जना एक सय वर्ष नाघेका जेष्ठ नागरिकलाई रु आठ हजार सहित अभिनन्दन गरेको थियो ।