काठमाडौं, पत्रकार अमिर लामालाई सांघातिक आक्रमण गर्ने अपराधिक जत्थामाथि कारवाही गर्न पेशागत संगठनहरुले माग गरेका छन् ।
पत्रकार लामामाथि गत मंगलबार राति अरपराधिक समूहले काठमाडौंको बागबजारमा बाटो कुरेर कुटपिट गरी घाइते बनाएको थियो ।
नेपाल पत्रकार महासंघको काठमाडौं जिल्ला शाखाले बिहिबार एक प्रेस विज्ञप्ति जारी गरेर कुटपिट घटनाको निन्दा गरेको छ । कुटपिटमा संलग्न समूहमा आवद्ध व्यक्तिहरुलाई तत्काल नियन्त्रणमा लिई कानूनी कारवाही गर्न शाखाले सम्बन्धित निकायसँग माग गरेको छ ।
यस्तै प्रेस चौतारी नेपालको काठमाडौं जिल्ला समितिले एक प्रेस बिकेती जारी गर्दै पत्रकार लामामाथि योजनावद्ध रुपमा सांघातिक आक्रमण गर्ने समूहलाई तत्काल पक्राउ गरी कडा कारवाही गर्न माग गरेको छ आक्रमणबाट लामाको टाउको, छातीमा चोट लागेको छ । शाखाहरुले घाइते लामाको शीघ्र स्वास्थ्यलाभको कामना समेत गरेका छन् ।
पत्रकार लामा आर्थिक प्लस डटकमका संचालक तथा पत्रकार महासंघ काठमाडौं जिल्ला शाखाका निवर्तमान सहसचिव हुन् ।